Updated by स्टार वन न्युज मराठी ™
अहिल्यानगर ✍️ राहुरी – मुसळवाडी
प्रतिनिधी
आज दिनांक 21 फेब्रुवारी 2026 रोजी जिल्हा परिषद प्राथमिक शाळा, मुसळवाडी शाळेमध्ये सर्व विद्यार्थी व पालक यांच्या उपस्थितीत मातृ-पितृ पूजन दिवसाच्या कार्यक्रमाचे आयोजन करण्यात आले होते. आई-वडिलांप्रती असलेले आपले प्रेम, संस्कार, ममता, सहानुभूती व जिव्हाळा यांचा उत्कृष्ट मेळ घालून आज जिल्हा परिषद शाळा, मुसळवाडी या ठिकाणी आपल्या मातापित्यांचे पूजनाचा कार्यक्रम श्री योग वेदांत सेवा समिती, राहुरी यांच्यामार्फत श्री संदीप चोथे सर यांच्या मार्गदर्शनाखाली आयोजित करण्यात आला होता.
सदरील कार्यक्रमासाठी जिल्हा परिषद प्राथमिक शाळा मुसळवाडी शाळेतील विद्यार्थी व त्यांचे पालक तसेच अनेक इंग्रजी माध्यमांच्या शाळांचे विद्यार्थी व पालक ही यावेळी कार्यक्रम साठी उपस्थित होते. यावेळी सर्व विद्यार्थ्यांनी आपल्या मातापित्यांचे विधिवत पूजन केले. त्यांचे शुभआशीर्वाद घेतले तसेच त्यांना 7 प्रदक्षिणा घातल्या. असा हा संस्कार आणि अध्यात्माचा कार्यक्रम अतिशय आनंदी व खेळीमेळीच्या वातावरणामध्ये पार पडला. यावेळी उपस्थित पालकांनी कार्यक्रमाबद्दल अत्यंत हृदयस्पर्शी अशा भावना व्यक्त केल्या.
फोटो गॅलरी बघण्यासाठी येथे क्लिक करा
👇👇👇👇👇
👇
या कार्यक्रमासाठी मुसळवाडी गावचे अध्यात्मिक वैभव माननीय ह. भ. प. श्री सोमनाथ महाराज माने, ह. भ. प. श्री दत्तात्रेय महाराज सजगुरे , ह. भ. प. श्री गणेश महाराज सजगुरे यांनी उपस्थितांना मार्गदर्शन केले व शाळेच्या उत्कृष्ट कार्याचे कौतुक केले.
व्हिडिओ 👇
- ✍️ तसेच यावेळी मुसळवाडी गावच्या सरपंच सौ कुसुमताई खरात, श्री दगडू भुजाडी, सौ जयश्रीताई लोहकरे त्याचप्रमाणे शाळेचे पालक श्री संजय धुमाळ, श्री रामदास शेरकर, श्री रोहन भुजाडी, श्री बालू सावंत, श्री राहुल लालझरे व फोटोग्राफर व पत्रकार श्री ज्ञानेश्वर माने व मोठ्या संख्येने महिला यावेळी उपस्थित होत्या.
यावेळी संबंधित कार्यक्रम यशस्वी करण्यासाठी शाळेच्या मुख्याध्यापिका श्रीमती आशा साळे मॅडम, श्रीमती शामल सोनवणे मॅडम, श्रीमती पल्लवी अंधारे मॅडम व श्री सतीश अंधारे सर यांनी परिश्रम घेतले…
फोटो गॅलरी 👇
